ਜਲ਼ੰਧਰ G2M 19ਜੂਨ 24:-
——- ਤੂੰ ਹੀ ਤੂੰ (II) ——
ਤੇਰਾ ਇਕ ਹੀ ਪਿਆ ਲਿਸ਼ਕਾਰਾ,
ਮੂਸਾ ਮੂਸਾ ਨਾ ਰਿਹਾ ਖੁਦਾ ਹੋ ਗਿਆ ।
ਅਜਲਾਂ ਤੋਂ ਅੱਜ ਤੀਕ, ਕੋਟ ਯੁੱਗ ਬੀਤੇ -
ਬਿਰਹਾਂ ‘ਚ ਤੜਪਦਿਆਂ
ਤੇਰਾ ਇਕ ਹੀ ਲਿਸ਼ਕਾਰਾ ਪਰ
ਕੋਟਨ - ਕੋਟ ਯੁੱਗਾਂ ‘ਤੇ ਭਾਰੂ ਬਹੁਤ ਪਿਆ ।
ਸੂਲੀ ‘ਤੇ ਮੁਸਕਰਾ
ਸੀਸ ਤਲੀ ਤੇ ਧਰ
ਤੱਤੀ ਤਵੀ ‘ਤੇ ਹੋ ਕਿ ਬਿਰਾਜਮਾਨ
ਮੂਸਾ,ਸਰਮੱਦ,ਅਰਜਨ ਦੇਵ ਗੁਰੂ
ਰਹੇ ਕਿੱਥੇ
ਸਰਬ ਦਿਸ਼ਾਵਾਂ ਵਿਚ ਫਿਰ
ਤੂੰ ਹੀ ਤੂੰ ਫੈਲ ਗਿਆ ।
ਮੈਂ ਤਾਂ ਅਣੂ ਸਾਂ
ਮਹੀਨ ਜਿਹੀ ਤੰਦ ਦਾ ਇਕ ਜ਼ਰਰਾ
ਤੇਰਾ ਇਕ ਹੀ ਪਿਆ ਲਿਸ਼ਕਾਰਾ
ਮੈਂ ਮਰ ਗਿਆ ਮੇਰੇ ਵਿਚੋਂ
ਮੈਂ ਬ੍ਰਹਮੰਡ ਹੋ ਗਿਆ ।
Login first to enter comments.